تضييع رمضان

[ام جويرية وخديجة]

تخيل انك نمت ...
فجأة صحيت على امتحان!!
طيب هدخل الامتحان اعمل ايه؟
هجاوب بإيه... انا مستعدتش!!!

تخيل ان في لاعب مش بيقدر يجري ربع ساعة
و يقولك مش مشكلة لما اشوف الناس بتشجعني في النهائي
اكيد هنشط و هجري ساعة و نص و اجيب جول

تخيل ان في واحد بيشيل 50 كيلو اثقال
و لما يدخل مباراة يقولك انا هشيل 250 كيلو!!!

تخيل انك بنيت عمارة من غير اساس؟
هييجي عليها وقت و تقع بسرعة!

كل الحاجات دي لازم نستعد ليها
صح...!

طيب ليه منطبقش الكلام ده في امور دينا

فلازم نتبصر و نفهم مبدأ الاستعداد لرمضان
عشان لما يدخل رمضان باذن الله
خلاص هيكون عندنا اساس و نبتدي نبني بس

اللي مش بيقدر يقعد ربع ساعة يقرأ قرآن
ازاي هيقدر يستحمل شهر كامل يقرأ فيه قرآن؟

اللي عمره ما قام الليل ...
ازاي هيستحمل القيام و التراويح و قلة النوم؟؟

و حتى لو استحمل و عمل مجهوده
هتلاقيه لسه بيجاهد نفسه عشان ميفترش
و لما خلاص يلاقي نفسه بدأ يخشع
و عنيه تدمع و يحس القرآن بقلبه
هيلاقي خلاص رمضان خلص!!!

اكتر سبب لتضييع رمضان هو عدم الاستعداد له
رمضان مش عصى سحرية
اول ما هييجي القلب اللي كان قاسي طول السنة هيرق
و العنين اللي منزلتش منها دمعة هتسيل
و القرآن اللي مكنتش بتحس بيه فجأة هتعيط منه

لو عايز تحصد في رمضان
يبقى لام تزرع في رجب و تسقي في شعبان
تزرع في قلبك حب الطاعات و العمل بيها
و تسقيها في شعبان عشان قلبك يرق
عشان تحصد في رمضان الخشوع و التقوى
و تبقى شحنة قوية تقدر تكمل بيها بعد رمضان
و مش تفتر و تتعب من اول شوال




الـلهـــم بلغـــنـا رمضــــان







(خلاصة من درس الدكتور حازم شومان
رجب و شعبان و الاستعداد لرمضان)

يتوجب عليك تسجيل الدخول او تسجيل لروئية الموضوع

 

[أم أحمد و عبد الرحمان]

 

[رحاب إسلام]

بارك الله فيك غاليتي أم جويرية وأحسن إليك فعلا

لو عايز تحصد في رمضان
يبقى لام تزرع في رجب و تسقي في شعبان
تزرع في قلبك حب الطاعات و العمل بيها
و تسقيها في شعبان عشان قلبك يرق
عشان تحصد في رمضان الخشوع و التقوى
و تبقى شحنة قوية تقدر تكمل بيها بعد رمضان
و مش تفتر و تتعب من اول شوال​

 

[أم حذيفة]

سلمت يمينك ،، اثابك الرحمن ،، نصائح قيمة

اسال الله العلى العظيم ان يبلغنا واياكم شهر رمضان المبارك